GRICE E PANEBIANCO

  / pp- T'    R. PANEBIANCO    Adoptione de lingua Internationale    es signo que evanesce contentione    de classe et bello*     y     %hSbo    PADOVA   ST AB. GRAFICO L. BOSCARDiN                     R. PANEBIANCO    Adoptione de lingua Internationale es signo  que evanesce contentione de classe et bello.    Es adoptione de lingua internationale que fac evanesce con¬  tentione de classe et bello aut es evanescentia de isto duo scelerato  re que fac adopta lingua internationale?   Isto es ipso quaestione si exsiste ante ovo aut gallina!   Certo que quando statu de productione adveni ad opportuno  evolutione (et me non sci si isto statu es illo actuale) contentione  de classe more per.simplice facto que evanesce isto duo classe,  uno formato de pauco opulento et alio de numeroso paupere. Isto  suo morte es debito ad extenuatione lento de illo cumulo de usus  que constitue institutione magis antiquo et magis importante de  proprietate privato de medios de productione (agros, minas, fabricas  et machinas agricolo et industriale etc.) et de commutatione (fer-  rovias, naves, automobiles etcj. Ultimo phasi de morte de isto  institutione et, ergo, de contentione de classe, es violento. Historia  doce es violentia obstetrice de vetere systema sociale que sta pro  parturi uno novo. Desiderio de humano civilitate que non vol vio¬  lentia nihil pote! Violentia per que pullo rumpe involucro de ovo  es inevitabile!   Grande revolutione initiato in epocha prashistorico fac substi¬  tue, in modo graduale, usque ad tempore historico, proprietate pri¬  vato ad collectivo. Isto antiquo proprietate non es plus capace de  da ad homines necessario augmento de productione, ergo, surge  actuale proprietate. Hodie productione es extreme exuberante, tanto  que es dissipato immenso quantitate de humano labore. Res non       4    solo inutile sed pernicioso (milliones de fusile et de cannone, enorme  naves revestito per lorica de aciario, submarinos, aeroplanos etc.)>  humano scelerato dementia produc! Si productione de res inutile  et de pernicioso fi abolito, labore humano fi reducto ad 4 aut 5  hora per die. Ergo, non essendo plus forma actuale de productione  (illo que basa se super proprietate privato) necessario, essendo su¬  perabundantia de productione, isto forma, causa de scelerato inju¬  stitia, evanesce, et proprietate collectivo es restituto ad mundo.  Nihil novo sub sole!   Homines de systema sociale basato super proprietate collectivo  es socio, ergo, non existe plus illo duo classe antagonista ante  dicto. Toto homines fi, in tale systema, commodo laborante de la¬  bore directivo aut subordinato et nullo homine pote vive sine labora,  id es ut parasito super labore de proletarios. Tunc lingua interna-  tionale fi reale internationale, et tunc, cum evanescentia de conten¬  tione de classe, necessario producto de proprietate privato, es pro¬  babilitate grande que evanesce bello. Adoptione de lingua interna¬  tionale et evanescentia de contentione de classe non es subitaneo.  Illos es: adoptato primo, et es facto evanesce ultimo in modo plus  aut minus rapido aut lento, usque ad morte ante dicto de conten¬  tione de classe.   Usque tanto que existe contentione de classe, lingua inter¬  nationale forsan non fi reale internationale. Sed isto existentia de  scelerato contentione de classe et isto forsan non possibile inter-  nationalitate de nostro interlingua (Int.), non pote impedi, ad praecur¬  sores de illo nobile idea pro adoptione de lingua internationale, de  labora pro suo actuatione. Isto praecursores, que consuma suo su¬  dato et parcito moneta pro fac re magis utile ad suo simile, es,  in primo tempore, deriso ab vulgo burgense. Isto vulgo forma magis  grande parte de burgesia, uno de duo classe antagenista et que  demente vol plus cito perde vita que suo privilegio de dominio  super alio classe, illo de proletario, i. e. de laborante. Laborantes,  in primo tempore, non es capace de comprehende que conato pro  adoptione de lingua internationale es signo que suo catena de ser¬  vitute sta pro rumpe se, et non da ad isto praecursores ullo animo.  Sed isto praecursores, inter derisione de primo et indifferentia de  secundo, continua imperturbato sua opera pro bono de suo simile!  Uno de isto praecursores, ab multo annos strenuo propugnatore     5    pro triumpho de isto nobile idea, es nostro amato socio, reverendo  J. B. Pinth de Luxemburg, auctore de plure publicatione in Int., et  speciale de vocabulario deutsch - Int. Ad illo me mitte affectuoso  sentimento de maximo aestimatione.   Sed existe contentione de classe? Quasi toto diurnales, et  certo illo magis diffuso, scribe, et numeroso homine politico de  classe burgense scribe et loque de actuale harmonias sociale! Etiam  cultores de scientia oeconomico, que fac crede es scientista, dum  illos es sycophanta de capitale, dic que systema sociale actuale  basa se super harmonias sociale, super collaboratione amicabile de  laborantes cum domino! Numeroso burgense pauco instructo, dic  que isto contentione de classe es inventione de socialistas, dum isto  contentione es de maximo antiquitate. Illo incipe quando incipe  proprietate privato, que divide homines (que ante, quando existe  Gentes in vice de nationes, es socio) in duo classe antagonista:  uno formato de pauco domino et alio de numeroso servo.   In tempore de Platone, 4 seculo ante Christo, isto grande  philosopho scribe: ■« Omni civitate, et si inter illos plus parvo, non  es uno civitate sed duo: uno de opulentos et alio de pauperes,  uno contra alio pugnante».   Quatuor seculo retro, Thomaso Moro [grande cancellario de  anglo regno, sub rege: Defensore de Fide (titolo dato de papas ad  Enrico VIII ante suo abjuratione de catholica fide), que dilige se  decapitando suo uxores et cancellarios] scribe: « Opulentos vol pos¬  side medios que, ultra assecura ad se suo opulentia in modo malo  acquisito, es etiam apto ad fac volve ad suo exclusivo profectu,  solvendo in maximo minore modo, labore de pauperes. Et quando  illos inveni isto medios, in nomine de patria, isto medios es impo¬  sito per lege». Isto auctore immortale de Utopia adjunge, pro cla¬  ritate, «es vita de bestias invidiabile pro isto pauperes».   Per isto suo scripto illo es bene meritante suo decapitatione!   Sed nos redi ad lingua internationale. Es evidente que essendo  id sine grammatica, id es de maximo facilitate et simplicitate. Ergo,  es per illo quasi impossibile ad fac ambiguitate, excepto ad prae¬  posito. Etiam es multo plus rapido compone et scribe in isto lingua  que in proprio lingua nationale. Effective, #um in lingua nationale,  vocabolo que exprime actione (i. e. verbo de grammatica) habe  grande numero de variatione et etiam de mutatione de radice      6    (A. be, is, was, etc.; F. etre, suis, etc.; I. essere, sono, fui, etc.),  in lingua internationale isto vocabulo, ut omni alio suo vocabulo,  es invariabile. Vocabulo es de Int. habe in francais 56 forma di¬  verso et circa ipso in italiano!   Illo que aperi libro de uno lingua nationale, si non cognosce  isto lingua, non es capace, etiam si illo posside vocabulario et gram¬  matica de isto lingua, de intellige id. In contrario, scripto in Int.  es intellecto perfecte ab persona que vide primo vice isto Int., si  illo posside vocabulario de Int., aut, post ullo minuto de oppor¬  tuno instructione de latino, vocabulario de latino de schola. Effective  isto facto de intellige lingua per solo vocabulario es possibile quare  Int. habe, ut es ante dicto, suo vocabulos invariabile. Solo excep¬  tione es adjuctione de s ad vocabulo que designa persona aut re  que es plure, si per comitante vocabulo non es intellecto que es  plure. Ergo, persona scribe: «duo libro, serie de libro» et non  «duo libros, serie de libros».   Selectione de latino, ut basi de Int., es facto, nam suspicione  nationale, abjecto producto de systema sociale in que homines non  es socio sed diviso in duo classe et plure natione, non permitte  ute lingua nationale ut Int. Certo engiish es lingua nationale de  grande diffusione et suo grammatica es plus simplice que in omni  alio lingua, sed suo pronuntiatione es magis difficile pro suo irra-  tionalitate; cetere, non es possibile, pro illo que es ante dicto, suo  adoptione ut Int.   Pro intellige uno lingua nationale necesse plure mense de  studio et pro scribe correcte id plure anno. Pro scribe correcte ita¬  liano nos stude id 11 aut 12 anno! Correcte? Saepe me senti pro¬  fessore de lingua italiano dic de suo collegas que illo scribe ut  cane! In conclusione omni lingua nationale es multo difficile.   Capitalista et suo intellectuale clientes habe possibilitate ad  stude longo tempore et ad disce suo lingua nationale. Laborante  que es proletario non habe isto possibilitate.   Et isto grande, magis grande privilegio de capitalistas et suo  clientes intellectuale, pone laborantes ad fronte ad suo inimico in  grande inferioritate et, ergo, solida suo catena de servitute.   Clientes intellectuale, que es fortia ultra potente de capita¬  listas, specie illos que, ut in isto casu, es plus idoneo, i. e. lite-  ratos, pugna in forte modo contra adoptione de isto lingua. Isto     7    adoptione fac perde ad capitalistas uno de suo maximo privilegio,  et suo clientes defende illos contra isto jactura pro recipe, in com¬  pensatione de suo turpe actione, parte de manubiae que capitalistas  praeda ad laborantes.   Me ute vocabulos urente: turpe, manubiae et praeda. Sed illo  es proprio. Sed capitalistas que praeda manubiae et suo intellectuale  cliente que fac actione turpe de defende illo, non es responsabile,  isto de suo turpe actione et illo de praeda manubiae. Responsabile  es solo systema sociale. Proletario que, per casu raro fi capitalista,  fac illo que fac isto: i. e. praeda manubiae ad suo antiquo comites,  et si illo fi intellectuale cliente de capitalista, illo, in generale, fac  turpe actione de defende praedatore de suo antiquo comites: illo fi  sycophanta de capitale.   Responsabile de omni malo que homine fac, in generale,  contro alio homine es systema sociale magis scelerato, que da ad  homines possibilitate de acquire opulentia. Isto acquisitione da ad  illos exuberante gaudio egcstico, dum opulentia de uno produc  necesse paupertate de multos. Paupertate non solo da ad homine  exuberante dolore, sed produc degeneratione de specie humano.  Effective vita medio de proletarios es dimidio de illo de opulento  aut commodo homines. Seque que opulento, per solo facto de es  opulento, es carnefice, sine suo voluntate, de proletarios, que es suo  simile. Si tale systema sociale homicida es defenso ab ullo homi¬  nes, ad isto es bene applicato verbo de Christo: «Domino perdona  ad illos nam illos non sci id que illos fac».   Omni amante de suo simile debe ode, de magis intenso odio,  isto scelerato systema sociale. Sed nullo vice debe homine ode  alio homine et si illo es defensore de isto scelerato systema sociale,  et si illo es delinquente. Homine de corde et intellecto debe ode  delicto, sed perdona ad delinquente, que, 99 vice super 100, es  necessario producto de systema sociale. Es sufficiente impedi ad  delinquente de repete delicto! Homine de corde et intellecto debe  fac toto que illo pote pro emenda delinquente. Punitione es turpe  residuo de medioaevale barbarie!   Homines, me ante dic et me repete, non es, in generale, re¬  sponsabile de malos de systema sociale. Isto magis turpe et magis  scelerato systema pone homine in bivio terribile, aut de labora  relinquendo parte de fructu de suo labore ad alio suo simile, ad          8   parassita, ad domino, et ergo vivendo in paurpertate, aut de fi do¬  mino. Alio via, isto infernale systema sociale, non relinque ad   homine! ' .   Interlinguista, quale que es suo opinione politico aut religioso   (Academia pro interlinga demanda ad suo socios solo suo contributo  annuale de 10 franco pro expensas de officio), es certo praecursore  de novo systema sociale. Isto novo systema, in que homines loque  uno solo lingua magis facile, commune ad illos (sine que illos fac  innaturale re de demitte suo lingua nationale ut illos non fac inna-  turale re de demitte suo dialecto) non pote es actuale systema de  «homo homini lupus», sed es systema sociale in que toto homines   fi socio.   Interlingua forsan non fi iriternationale que quando actuale  scelerato systema sociale es relicto, simul ad toto alio medioaevale  barbarie deturpante humanitate! Sed isto forsan, evidente non es  certitudine, et es bene noto que voluntate humano, que non es  causa de eventus sociale, es certo, de reflexo influentia, accele¬  rante id. Intelinguista, que labora, cum grande enthusiasmo, pro  diffude suo nobile idea, accelera isto eventu i. e. que Int. fi reale  lingua internationale.   Optimo vocabulario de nostro bene merente praesidente Piof.  Peano suffice, facendo per illo pauco hora de exercitio, pro sci be  in correcto modo nostro Int. Post pauco die de isto exei citio, fi  plus facile, ut me ante dic, de compone et scribe in Int. que in  proprio lingua nationale.   Auxilio ad vocabulario de Peano es illos nationale - Int., ut  illo ante indicato de Pinth.   Vos, benevolo lectores, fac bono actione, dando ad nos animo  per conjunctione de vestro fortia ad nostro, pro bene de huma  nitate. Omni uno de vos que fi socio de nostro Academia, centu¬  plica nostro animo!   Intende, meo benevolo lectores! Ultimo bello occide 14 miliono  de juvene sano et forte, que, in generale, non vol more nec fac  more suo simile. Lingua internationale es potente medio pro con¬  serva expulsione de mundo de suo plus horribile et terribile malo.  bello!